نیشنل اسٹیڈیم کراچی میں جاری سہ ملکی سیریز کے تیسرے میچ میں جنوبی افریقا نے ٹاس جیت کر پہلے بیٹنگ کرنے کا فیصلہ کیا۔
جنوبی افریقی کپتان ٹمبا باوما نے ٹاس کے بعد گفتگو میں کہا کہ ٹیم میں چار تبدیلیاں کی گئی ہیں، پچھلے میچ کی شکست سے سبق حاصل کیا ہے، اور آج ایک مضبوط اسکواڈ کے ساتھ میدان میں اتریں گے تاکہ میزبان ٹیم پر دباؤ ڈال سکیں۔
دوسری جانب، قومی ٹیم کے کپتان محمد رضوان نے بتایا کہ اسکواڈ میں دو تبدیلیاں کی گئی ہیں، مڈل آرڈر بیٹر کامران غلام کی جگہ سعود شکیل کو شامل کیا گیا ہے، جبکہ فاسٹ بولر حارث رؤف کی جگہ محمد حسنین ٹیم کا حصہ بنے ہیں۔
انہوں نے مزید کہا کہ ٹیم جیت کے لیے بھرپور کوشش کرے گی تاکہ فائنل میں جگہ بنا سکے۔
پاکستان کا اسکواڈ:
محمد رضوان (کپتان)، فخر زمان، بابراعظم، سلمان آغا، سعود شکیل، طیب طاہر، خوشدل شاہ، شاہین شاہ آفریدی، نسیم شاہ، محمد حسنین اور ابرار احمد۔
Leave a Reply