جوفرا آرچر کا مہنگا ترین اسپیل: آئی پی ایل کی تاریخ میں سب سے زیادہ رنز دینے کا ناپسندیدہ ریکارڈ -

انگلینڈ کے فاسٹ بولر جوفرا آرچر نے انڈین پریمیئر لیگ (آئی پی ایل) کی تاریخ کا مہنگا ترین اسپیل کرواتے ہوئے سب سے زیادہ رنز دینے کا ناپسندیدہ ریکارڈ بنا لیا۔

آئی پی ایل 2025 میں راجستھان رائلز کی نمائندگی کرتے ہوئے جوفرا آرچر نے اپنے چار اوورز میں بغیر کوئی وکٹ لیے 76 رنز دے دیے۔ حیران کن طور پر، انہوں نے اپنے پورے اسپیل میں صرف ایک ڈاٹ بال کروائی۔

حیدرآباد سن رائزرز کے بلے بازوں نے جوفرا آرچر کی بولنگ پر بے رحمانہ بیٹنگ کرتے ہوئے انہیں 4 چھکے اور 10 چوکے جڑ دیے۔

اس سے قبل، آئی پی ایل میں سب سے زیادہ رنز دینے کا ناپسندیدہ ریکارڈ بھارت کے موہت شرما کے پاس تھا، جنہوں نے اپنے اسپیل میں 73 رنز دیے تھے۔

جوفرا آرچر کی مشکلات کا آغاز ان کے پہلے ہی اوور سے ہوا، جس میں انہوں نے 23 رنز دیے، اور اس کے بعد ان کی بولنگ لائن مکمل طور پر بے قابو ہو گئی۔

واضح رہے کہ اس میچ میں حیدرآباد سن رائزرز نے 287 رنز کا بڑا ہدف دیا تھا، جس کے تعاقب میں راجستھان رائلز 44 رنز سے شکست کھا گئی۔