چیمپیئنز ٹرافی کے فائنل میں نیوزی لینڈ کے بیٹر ٹام لیتھم کے آؤٹ ہونے پر بھارتی کپتان ویرات کوہلی بھنگڑا ڈالنے لگے، جس نے شائقین کی توجہ حاصل کر لی۔
یہ دلچسپ لمحہ نیوزی لینڈ کی اننگز کے 24ویں اوور میں پیش آیا، جب رویندر جدیجا کی گیند پر لیتھم نے سویپ شاٹ کھیلنے کی کوشش کی، لیکن گیند سیدھا ان کے پیڈ سے جا ٹکرائی۔ امپائر نے فوری طور پر انہیں آؤٹ قرار دے دیا، جس پر لیتھم نے ریویو لے لیا۔ تاہم، ری پلے میں امپائر کا فیصلہ برقرار رہا، اور اس طرح بھارت نے ایک قیمتی وکٹ حاصل کر لی۔
مزید پڑھیں: بھارت نے نیوزی لینڈ کو شکست دے کر چیمپیئنز ٹرافی جیت لی
روہت شرما نے اس اہم وکٹ پر جوش و خروش سے جشن منایا، جبکہ ویرات کوہلی کو کیمروں نے میدان میں چلتے ہوئے بھنگڑا کے مخصوص اسٹیپس کرتے ہوئے قید کر لیا۔
یہ دلچسپ لمحہ سوشل میڈیا پر وائرل ہو گیا، جہاں مداحوں نے ویرات کوہلی کے بھنگڑے کی ویڈیوز اور تصاویر شیئر کیں اور ان کے جشن کے انداز کو بے حد سراہا۔
کچھ صارفین نے اسے پنجابی ثقافت سے جوڑتے ہوئے مزاحیہ تبصرے کیے، جبکہ دیگر مداحوں نے اسے بھارتی ٹیم کے بھرپور اعتماد کی علامت قرار دیا۔
واضح رہے کہ چیمپیئنز ٹرافی کے فائنل میں بھارتی ٹیم نے نیوزی لینڈ کو 4 وکٹوں سے شکست دے کر ٹائٹل اپنے نام کیا۔
Leave a Reply