گووندا کو جان سے مارنے کی دھمکیاں کس نے دیں؟ اداکار کا انکشاف -

معروف بھارتی کامیڈین اداکار گووندا نے انکشاف کیا ہے کہ بالی ووڈ میں ان کیخلاف سازشیں کی گئی ہیں۔

مکیش کھنہ کے ساتھ ایک حالیہ انٹرویو میں گفتگو کرتے ہوئے گووندا نے کہا کہ لوگوں نے انکے خلاف سازش کی اور ان سازشوں کے بعد انکی فطرت بدل گئی۔

انٹرویو کے دوران اداکار نے اپنے کیرئیر کے ابتدائی دنوں کا تذکرہ کیا جس میں انہوں نے بہت سی مشکلات کا سامنا کیا یہاں تک کہ انہیں جان سے مارنے کی دھمکیاں بھی دی گئیں۔

گووندا کا کہنا تھا کہ وہ سو کروڑ کی فلمیں کرنے سے بھی منع کر چکے ہیں اور جب وہ کام کرنے سے منع کرتے تھے تو ان کیخلاف لکھا جاتا تھا کہ ان کے پاس کام نہیں ہے۔

https://www.instagram.com/pinkvilla/?utm_source=ig_embed&ig_rid=7799eb8f-91fa-467a-a126-5a1c17c7484f

اداکار کے مطابق وہ اپنے فیصلوں پر درست تھے کیونکہ وہ اپنے دل کی سنتے تھے۔ سیاست میں قدم رکھنے سے متعلق سوال پر ان کا کہنا تھا کہ انڈسٹری میں بہت سے لوگوں نے میرے خلاف سازش کی مجھے بدنام کرنا چاہا، وہ مجھے انڈسٹری سے باہر نکالنا چاہتے تھے۔

گووندا نے انکشاف کیا کہ ان کی جان لینے کی کوششیں بھی کی گئیں۔ انہوں نے مزید بتایا کہ ان کے گھر کے باہر سے مسلحہ افراد پکڑے گئے۔ اداکار کا کہنا تھا کہ ان سب حالات کی وجہ سے میری فطرت میں بڑا بدلاؤ آیا اور میں سوچتا تھا کہ سیاست میں آؤں یا نہیں اور پھر میں نے وہی کیا جو میرے دل کی آواز تھی سیاست کا حصہ بننا۔