موسم کی صورتحال، شائقین کرکٹ کے لیے اہم اپڈیٹ
آئی سی سی چیمپئنز ٹرافی میں پاک بھارت ہائی وولٹیج مقابلہ کل (23 فروری) کو دبئی میں کھیلا جائے گا، جہاں دنیا بھر کے کرکٹ شائقین اس سنسنی خیز میچ کے شدت سے منتظر ہیں۔
موسم کی تازہ ترین پیشگوئی
میڈیا رپورٹس کے مطابق، دبئی میں ہونے والے اس بڑے مقابلے کے دوران بارش کا کوئی امکان نہیں، تاہم موسم ابرآلود رہ سکتا ہے۔ دن کے وقت درجہ حرارت 31 ڈگری سینٹی گریڈ تک رہنے کا امکان ہے، جبکہ شام کے وقت یہ کم ہو کر 23 ڈگری سینٹی گریڈ تک گر سکتا ہے۔
متحدہ عرب امارات میں حالیہ بارشیں
گزشتہ دنوں متحدہ عرب امارات کے بلند ترین پہاڑ جبل جیس، راس الخیمہ میں تیز بارش اور اولے پڑنے کے واقعات رپورٹ ہوئے تھے، تاہم دبئی میں پاک بھارت میچ کے دوران موسم خشک اور کھیل کے لیے سازگار رہنے کی توقع ہے۔
میچ کا کوئی ریزرو ڈے نہیں
یہ بھی واضح رہے کہ آئی سی سی چیمپئنز ٹرافی کے اس اہم گروپ میچ کے لیے کوئی ریزرو ڈے مقرر نہیں کیا گیا۔ پاکستان کے لیے یہ میچ کرو یا مرو کی حیثیت رکھتا ہے، اور شکست کی صورت میں گرین شرٹس ٹورنامنٹ سے باہر ہوسکتی ہے۔
کرکٹ شائقین کو اب موسم کی فکر کیے بغیر اس سنسنی خیز مقابلے کا بھرپور لطف اٹھانے کا موقع ملے گا!
Leave a Reply