امریکی خلا باز سنیتا ولیمز نے خلا میں چہل قدمی کا نیا ریکارڈ قائم کر دیا -

ناسا کی خلاباز سنیتا ولیمز کا نیا عالمی ریکارڈ، خلا میں 62 گھنٹے چہل قدمی

ناسا کی خلاباز سنیتا ولیمز نے خلا میں کل 62 گھنٹے کی مجموعی اسپیس واک (چہل قدمی) کرکے ایک نیا عالمی ریکارڈ قائم کر لیا ہے۔

سنیتا نے یہ اعزاز حاصل کرکے سابقہ امریکی خلا باز پیگی وٹسن کا 60 گھنٹے 21 منٹ کا ریکارڈ توڑ دیا۔ یہ تاریخی کامیابی بین الاقوامی خلائی اسٹیشن (ISS) نے ایکس (سابقہ ٹوئٹر) پر پوسٹ کے ذریعے شیئر کی۔

اسپیس واک کی تفصیلات

سنیتا ولیمز خلائی اسٹیشن کے باہر مختلف تکنیکی سرگرمیوں میں مصروف تھیں، جن میں ریڈیو کمیونیکیشن ہارڈویئر کو نکالنا، خلائی اسٹیشن کے ہارڈویئر کی دیکھ بھال، اور سطحی مواد کے نمونے جمع کرنا شامل تھا۔

یہ اسپیس واک صبح 8 بجے شروع ہوئی اور ناسا نے اس تاریخی لمحے کو اپنی یوٹیوب چینل اور آفیشل ویب سائٹ پر براہ راست نشر کیا۔

یہ خلائی چہل قدمی تاریخ میں 92 ویں امریکی اسپیس واک تھی، جس نے ناسا کی خلائی تحقیق میں ایک اور سنگ میل عبور کر لیا۔