ٹی وی میزبان اقرار الحسن کی جانب سے چوتھی شادی پر بات کرنے کی ویڈیو وائرل ہوگئی ہے، جس پر صارفین نے دلچسپ تبصرے کیے اور انہیں تنقید کا نشانہ بھی بنایا۔ اقرار الحسن کو پہلے ہی ایک سے زائد شادیاں کرنے پر تنقید کا سامنا رہا ہے؛ انہوں نے تین ٹی وی میزبان اور صحافی خواتین سے شادیاں کر رکھی ہیں۔
حال ہی میں، اقرار الحسن فلاحی پروگرام میں شرکت کے لیے برطانیہ گئے، جہاں انہوں نے دیگر موضوعات کے ساتھ ایک سے زائد شادیوں پر بھی گفتگو کی۔ اس تقریب میں انہوں نے اپنی تین شادیوں پر بات کرتے ہوئے چوتھی شادی کا ذکر بھی چھیڑا۔
تقریب سے خطاب کے دوران، ٹی وی میزبان کا کہنا تھا کہ وہ اپنی ایک سے زائد شادیوں پر اس لیے بات نہیں کرتے کیونکہ وہ نہیں چاہتے کہ اس عمل کو خوبصورت یا مثال کے طور پر پیش کریں۔ انہوں نے وضاحت کی کہ ان کا تین شادیاں کرنے کا کوئی ارادہ نہیں تھا، لیکن زندگی کے حالات ایسے بن گئے کہ انہیں ایک سے زائد شادیاں کرنی پڑیں۔
اقرار الحسن نے مزید کہا کہ وہ کسی کو یہ مشورہ نہیں دیں گے کہ وہ ایک سے زائد شادیاں کریں کیونکہ ہر کسی کی زندگی کے اپنے مسائل ہوتے ہیں اور ہر کوئی ان کے حالات اور مسائل کو نہیں جانتا یا سمجھ سکتا۔ انہوں نے یہ بھی واضح کیا کہ اگرچہ انہوں نے نہ چاہتے ہوئے بھی تین شادیاں کیں، لیکن ان کا چوتھی شادی کا کوئی ارادہ نہیں ہے۔
ٹی وی میزبان کی جانب سے چوتھی شادی کی بات کرنے پر تقریب میں موجود افراد ہنس پڑے اور تالیاں بھی بجائیں۔ اگرچہ اقرار الحسن نے واضح کیا کہ انہوں نے حالات کی وجہ سے تین شادیاں کیں، لیکن انہوں نے ان حالات کی تفصیلات فراہم نہیں کیں۔
یاد رہے کہ اقرار الحسن نے پہلی شادی سابق نیوز کاسٹر قرت العین سے 2010 سے قبل کی تھی، جن سے انہیں ایک بیٹا بھی ہے۔ دوسری شادی نیوز کاسٹر فرح سے کی، اور تیسری شادی تقریباً دو سال قبل صحافی عروسہ خان سے کی۔ انہوں نے بعد میں کی جانے والی اپنی دونوں شادیوں کو کچھ عرصے تک خفیہ بھی رکھا۔ مئی 2024 میں ایک انٹرویو میں انہوں نے بتایا تھا کہ ان کی تینوں بیویاں ایک ساتھ نہیں رہتیں، تاہم تینوں کے آپس میں اچھے تعلقات ہیں۔
Leave a Reply