شعیب اختر اور بالی ووڈ اداکار شاہد کپور کی ملاقات، ویڈیو وائرل -

پاکستان کے سابق مایہ ناز فاسٹ بولر شعیب اختر کی بالی ووڈ اداکار شاہد کپور سے ملاقات کی ویڈیو سوشل میڈیا پر وائرل ہوگئی۔

متحدہ عرب امارات میں انٹرنیشنل لیگ ٹی ٹوئنٹی کی افتتاحی تقریب میں پاکستانی کرکٹ لیجنڈ شعیب اختر اور بالی ووڈ اداکار شاہد کپور کے درمیان حیران کن ملاقات کی ویڈیو سوشل میڈیا پر وائرل ہوگئی۔شعیب اختر نے فوٹو اینڈ شیئرنگ ایپ انسٹاگرام پر ایک ویڈیو شیئر کی ہے ھس میں انہیں اداکار شاہد کپور کے ساتھ خوشگوار موڈ میں بات چیت کرتے دیکھا جاسکتا ہے۔
https://www.instagram.com/imshoaibakhtar/?utm_source=ig_embed&ig_rid=4c4bd723-8a6b-4c80-a0e6-5d7d6eea0a07

ویڈیو میں بھارتی کھلاڑی ہربھجن سنگھ کو بھی اس موقع پر دیکھا جاسکتا ہے، ویڈیو کے اختتام پر شاہد الوداع کہنے کے لیے شعیب اختر کی طرف ہاتھ بڑھاتے ہوئے نظر آئے۔

شعیب اختر نے ویڈیو شیئر کرتے ہوئے اسے ’خوبصورت‘ اتفاق قرار دیا جبکہ انہوں نے کیپشن میں لکھا کہ ’ ہاں جی ہماری ویڈیو دیکھ کر آپ کو کیا سمجھ آرہا ہے‘۔

یاد رہے کہ شاہد کپور نے انٹرنیشنل لیگ ٹی ٹوئنٹی کی افتتاحی تقریب میں اپنی فلم دیوا کی مرکزی کاسٹ کے ساتھ پرفارم کیا تھا۔