ایک تحقیق سے معلوم ہوا ہے کہ دل کی بیماری میں مبتلا موٹے افراد میں وزن میں بہت زیادہ اتار چڑھاؤ موت کے خطرے کو نمایاں طور پر بڑھا دیتا ہے۔
یہ تحقیق انجلیا رسکن یونیورسٹی کی جانب سے کی گئی، جس میں یوکے بائیو بینک کے مطالعے کے تحت شامل کیے گئے 8,297 شرکاء کے ڈیٹا کا تجزیہ کیا گیا۔
مطالعہ تقریباً 14 سال تک جاری رہا، جس کے دوران یہ دیکھا گیا کہ وزن میں کمی اور وزن میں اضافے، دونوں ہی صورتوں میں موت کے خطرات میں اضافہ ہوا۔
تحقیق کے سرکردہ مصنف ڈاکٹر جوفن ژانگ کا کہنا ہے کہ ڈاکٹروں کو ان نتائج کو ذہن میں رکھنا چاہیے، خاص طور پر ایسے وقت میں جب بازار میں تیزی سے وزن کم کرنے والی ادویات دستیاب ہیں۔
انہوں نے مزید کہا کہ یہ اپنی نوعیت کا پہلا مطالعہ ہے، جس میں دل کی بیماری میں مبتلا موٹے افراد میں وزن میں تبدیلی اور اموات کے درمیان تعلق کا جائزہ لیا گیا ہے۔
Leave a Reply